GENERAL SANTOS CITY – Duha ang napatay nga target suspect sa managlahing operasyon sa Regional Police Drug Enforcement Unit 12 sa dakbayan. Dead on arrival sa ospital ang usa sa mga nahimong target sa buy bust operation sa Purok 6 New Society Brgy. Apopong ning syudad nga si Edgar Alberca, alias Edgar, 51, usa ka panday.
Gikabutyag nga napalitan matud pa og usa ka pakete sa gituohang shabu kantidad og P500 ang nahisgutan.
Atol sa baligyaay og droga, nakamatikod matud pa ang suspek nga pulis ang katransaksyon hinungdan nga mibunot og armas og nagpabuto punting sa pulis.
Nakabalos ang kapulisan hinungdan nga nakaangkon ang suspek og ubay-ubay nga samad pinusilan sa lawas.
Pag-abot sa ospital gideklara sa attending physician ang suspek nga patay.
Samtang sa sunod nga operasyon sa RPDEU nga gipahigayon sa Purok 11C, Blk 4 Brgy. Fatima kauban gihapon ang mga ginsakpan gikan sa uban pang police units og PDEA-12, misukol usab matud pa ang target suspect sa otoridad dihang nagpabuto og pusil hinungdan nga napatay.
Giila ang napatay nga lalaki nga si Tho Tiban, 36, traysikal driver nga residente sa lugar.
Kahibaluan, anaa sa Inter-Agency Drug Information Database og sa PRRD list nga pulos mga high value target.
