Kapin sa 100 ka gramo sa shabu og mariwana nakumpiska sa kapulisan sa Sarangani

GENERAL SANTOS CITY – Kapin sa 100 gramo sa shabu og mariwana ang nakumpiska sa mga operasyon nga gipahigayon sa mga kapulisan sa Sarangani Province.

Sa report gikan sa Sarangani Police Provincial Office (SPPO) gikan Enero hangtud June 30, 2020, ang kapulisan ang nakakumpiska og 102 gramo sa shabu sa 84 ka drug operations.

Nagresulta kini sa pagkaaresto sa 77 mga drug personalities og usa ang napatay atol sa police operation.

Ang kalampusan sa mga gihimong operasyon tungod sa koordinasyon sa SPPO og Philippine Drug Enforcement Agency (PDEA) Sarangani alang sa mas epektibo og mas hugot nga kampanya batok sa anti-illegal drugs activity sa probinsya.