60 hangtud 70% sa mga piniriso sa city jail mga nalambigit sa ilegal nga droga

GENERAL SANTOS CITY – Anaa sa 60 hangtud 70% sa mga piniriso ang nalambigit sa gidili nga druga sulod sa Reformatory Center sa Lanton, Apopong ning dakbayan.

Kini ang giangkon ni Jail Supt. Peter Bonggat , jail warden sa maong bilangguan.
Matud pa ni Bonggat nga sa kasamtangan kapin sa 1,500 ang mga piniriso nga mga lalale samtang kapin sa 100 ang mga babaye.

Hugot nga nakaalerto ang city jail gumikan daghan ang mga high risk nga mga bilanggo.

Samtang mihangyo kini sa katawhan nga sabton ang gipatuman nga patakaran nga gidili una ang pagbisita sa mga bilanggo.

Kini aron maproteksyonan ang tanan sa bahad sa COVID 19.