GENERAL SANTOS CITY – Giangkon ni Polomolok Vice Mayor Xavier Bayan nga gikondena ang pagpamusil sa kanhi kapitan sa Brgy. Rubber sa maong munisipyo aging mga adlaw.
Matud pa niini, nagpabilin nga anaa sa usa ka ospital sa GenSan si ex-Barangay Captain Moner Kenjiyo og nagpaayo sa duha ka samad pinusilan, aping og lawas human nga gitiro sa mga motor-in-tandem suspects sa Prk 1 Rubber Polomolok South Cotabato.
Gibutyag sa bise mayor, wala silay nadunggan nga nakadawat og bahad sa kinabuhi ang biktima apan sila nga mga opisyal sa Polomolok og mismo si Mayor Honey Lumayag-Mati nagpahimangno kay Kenjiyo nga mulikay una sa pag-adto sa Brgy Rubber tungod sa sunod-sunod nga kamatay nga natigayon sa maong lugar tungod matud pa sa panagbangi sa magpamilya.
Nasayran nga si Kenjiyo, gatrabaho sa munisipyo sa Polomolok isip liason officer og staff usab sa Mayors Office gawas pa nga gaatubang sa mga concerns og problema sa mga kaigsuonang Muslim og IP’s sa Brgy. Rubber.
Hangtud karon blangko pa ang kapulisan kung unsa motibo og kinsa ang mga responsable sa pagpamusil kay Kenjiyo.
Nasayran nga naigo sa aping og lawas ang biktima human nga gipusil gamit ang gituohang carbine o armalite.
