SPPO, blangko pa sa pagpamusil-patay sa barangay kapitan sa Alabel Sarangani

GENERAL SANTOS CITY – Wala pay lead o motibo ang kapulisan sa responsable sa pagpamusil-patay barangay kapitan sa Kawas, Alabel Sarangani Province aging semana.

Matud pa ni Police Major Romeo Calamba, tigpamaba sa Sarangani Provincial Police Office, nagpadayon ang kapulisan sa pagpangalap og impormasyon kalabotan sa kamatayon ni Kapitan Diony Seromines.

Nanawagan si Calamba sa nakakita sa pagluthang sa biktima nga gilayong mudangop sa ilang presinto aron makuhaan og pamahayag.

Gibutyag niini, angayang mahatagan og hustisya ang maong kapitan.

Kahibaluan nga gipusil-patay si Seromines human nga migikan sa usa ka operasyon sa kapulisan kalabutan sa gidiling droga nga gipahigayon sa Alabel.