GENERAL SANTOS CITY -Nadugangan ug usa ka kaso sa COVID-19 ang Sultan Kudarat tungod niini adunay natala nga upat ang nasampit nga probinsya kung asa usa ang patay ug luwas na ang duha samtang giatiman ang laing usa ka biktima.
Nadugangan usab ug duha ka mga kaso ang probinsya sa South Cotabato kung asa aduna nay unom ka mga kaso sa makamatay nga sakit sa nasampit nga ihap upat ang anaa sa luwas nga kondisyon ug ang duha padayon nga giatiman.
Sa karon base sa pinakaulahing datos nga gipagawas sa SOCCSKSARGEN Region COVID-19 tracker adunay 27 ang katibok-an ihap sa tibook Rehiyon 12 nga nagpositibo sa mkamatay nga sakit.
Nanguna sa gihapon nga adunay daghan nga kaso ang dakbayan sa Cotabato nga adunay napulo ka mga kaso, pito ang anaa na sa luwas nga kondisyon samtang ang tulo padayon pa nga giatiman.
Ang probinsya sa North Cotabato nagpabilin nga lima ka kaso duha ang padayon nga giatiman ug luwas na ang tulo.
Samtang ang dakbayan sa Heneral Santos ug Probinsya sa Saranggani nagpabilin nga tag-usa ang mga natala nga kaso kung asa anaa sa luwas nga kondisyon.
