Senior Citizen og ulitawo patay sa dengue sa GenSan

GENERAL SANTOS CITY – Naalarma karon ang usa ka barangay ning dakbayan human masayran nga duha katao na ang namatay sa sakit nga dengue.

Matud pa ni Kapitan Yolando Acharon sa Barangay Dadiangas West nga usa ka senior citizen og usa ka hamtong ang namatay sa maong sakit.

Gibutyag sa kapitan nga gipadangat na nila ngadto sa City Health Office ang maong sitwasyon aron kapugngan nga aduna pay madugang sa ihap sa namatay sa dengue sa ilang lugar.

Gika-alarma kini sa opisyal nga nakadugang sa ilang problema sa kasamtangang gibantayan nga covid 19. _. Si Kapitan Yolando Acharon sa Barangay Dadiangas West.