GENERAL SANTOS CITY – Patay ang usa ka pinoy human matakdan sa COVID-19 didto sa nasud Iceland .
Kini ang gibutyag ni Bombo International correspondent Cherry Candrejo nga residente sa GensanVille, Bula, General Santos City nga gapuyo na karon sa maong nasud.
Sa miaging adlaw gikareport nga namatay ang maong OFW.
Sa Iceland hugot nga gipatuman ang social distancing aron malikayan ang pagkatap sa maong virus apan walay gipatuman nga lockdown.
Pwede mugawas sa balay ang mga tawo apan gisirad-an ang ubang mga negosyo susama sa gym, swimming pool og uban pa apan nagpabiling sirado ang mga ariport.
Sa pamahayag ni Candrejo nga gisunod sa katawhan ang mga patakaran kalabutan sa COVID 19 gumikan dako kaayo ang multa nga anaa sa P200,000.
Sa pagkakaron kapin sa 1,700 ang kaso sa COVID 19 sa Iceland kung siyam ang patay.
