GENERAL SANTOS CITY – Gilauman nga ipagawas ning adlawa ang executive order ni Mayor Ronnel Rivera alang sa mga dugang patakaran nga ipatuman aron magpabilin nga hilway ang syudad sa coronavirus disease.
Matud pa ni City Administrator Arnel Zapatos, lakip sa patakaran una, magbutang og mga checkpoints duol sa mga barangay clustered control points.
Aron malimitahan pa gyud ang mga gadagan nga sakyanan sa syudad ipatuman ang odd-even scheme sa mga barangay.
Gibutyag ni Zapatos, sa adlaw nga Dominggo ipatuman ang total lockdown kung asa walay manggawas sa tanang barangay cluster.
Apan gipaklaro nga exempted sa total lockdown ang emergency cases, operasyon sa ospital og botika, kadtong task force nga anaa sa barangay og sa syudad apil ang anaa nagtrabaho sa media outlet
Ipatuman kini sa hingpit kung anaa na ang EO lakip na guidelines nga gilaumang ipagawas gikan sa buhatan sa City Mayor ning adlawa.
