GENERAL SANTOS CITY – Upat ka truck ang naka-schedule nga muadto ning adlawa sa Brgy. Calumpang, Buayan, Sinawal og San Jose kung asa nagdala og pagkaon og uban pang essential supplies kung asa direktang ibaligya sa mga residente.
Una nang gibutyag ni City Administrator Atty. Arnel Zapatos nga dili na unya maglisod ang mga residente sa pagpamalit sa mga nag-unang panginahanglanon sa ilang balay kini tungod bisitahon sa mga trucks nga gihimong mobile o rolling stores nga inisyatiba sa LGU GenSan.
Maglibot kini sa 26 barangays sa syudad og magbaligya sa nagkadaiyang food products sama sa bugas, isda, itlog, karne sa manok, baboy og uban pa direkta sa mga residente.
Tumong niini aron dili na mugawas sa ilang punuy-anan ang mga residente aron sa pagpamalit samtang dili na muadto sa merkado publiko.
Hinuon, hugot gihapon nga ipatuman sa moving talipapa ang social og physical distancing aron malilkayan nga matakbuyan sa unsa mang virus.
