GENERAL SANTOS CITY – Nalibot na sa DTI Sarangani ang mga establisiemento nga nagpabiling abli sa probinsya ug gisusi kung aduna bay unsa mang matang sa pag-abuso sa mga ngadto sa mga konsumante luyo sa prize freeze ubos sa pagpailawom sa state of calamity og public health emergency ang nasud tungod sa giatubang nga krisis gumikan sa coronavirus disease.
Sa paglibot-suroy tibuok Sarangani, bitbit ni DTI Prov’l Director Ethel Gumama ang kopya sa DTI memorandum Circular No. 20-07 og gipasabot sa matag establisiemento nga bawal ang hoarding og panic buying.
Gibutyag niini nga dili angayang manago og palaliton sa mga tawo , amut na nga bawal mupalit og bulto-bulto nga wala nay mabilin sa musunod nga mupalitay.
Nagpahimangno nga dakong silot sa balaod ang mga guilty sa maong sayop nga gimbuhaton gawas pa sa pagmanipula sa presyo o mualsa og presyo sa palaliton.
Pwedeng mapriso gikan sa 5 hangtud 15 ka tuig og makamulta hangtod P2Million ang mapamatud-ang gisakyan ang higayon aron makapahimulos sa mga mamalitay.
Sa pamahayag ni Gumama nga dili magpanuko sa pagduol sa ilang buhatan ug sa mga opisyales sa LGU aron isumbong ang nibuhat og mga kasupakan.
