GENERAL SANTOS CITY – Sama sa ginahimo sa kapulisan sa GenSan, hugot usab nga ginapatuman ang curfew sa mga otoridad sa Sarangani Province isip panagana sa 2019 coronavirus disease.
Human sa gihimong direktiba ni Gov. Steve Chiongbian Solon ngadto sa pito ka mayor sa probinsya nga ipatuman ang curfew sa ilang tagsa-tagsa ka munisipyo, dayon kining gipatuman sa mga ginsakpan sa Sarangani Provincial Police Office.
Ang curfew hours sugod alas 9pm hangtud alas 4am.
Matud kang Police Lt. Col. Teody Condesa, tigpamaba sa SPPO nga epektibo sa kapulisan ang pag-implementa sa curfew entiro Sarangani.
Sa pamahayag niini nga gikinahanglan nga mu-kooperar ang tanan sa curfew kung asa wala kiniy laing katuyuan kun dili ang kaayuhan sa tanan aron dili makuha ang virus pinaagi sa tapok-tapok sa mga tao.
