P10M gigahing pondo aron ipalit og mga panginhanglanon pangontra sa Covid-19

GENERAL SANTOS CITY – Apil matud pa nga hatagan og handheld scanner ang 26 ka barangay sa dakbayan aron adunay magamit alang sa pagsuta kung adunay sintomas sa coronavirus 2019 ang usa ka tao.

Matud pa ni John Philip Quimosing, City Budget Officer nga nakapalit na ang syudad sa mga panginahanglanon aron malikayan ang pag-angkon sa covid 19.

Gikan sa disaster fund ang P10 million nga gigamit human nga nagdeklara ang syudad og state of calamity gumikan sa maong virus.

Apan wala pay thermal scanner nga napalit ang syudad nga sama sa gigamit sa mga airport tungod wala ang maong himan dinhi sa GenSan og didto pa kini paliton sa Kauluhan.

Samtang gikabutyag nga wala nay mapalit nga face mask sa syudad.