GENERAL SANTOS CITY – Gibantayan gihapon ang Patient Under Investigation kon PUI dinhi sa Rehiyon 12 sulod sa 48 oras samtang anaa sa isolation room.
Gikinahanglan nga mupalilaom ang mga nasampit bisan pa ug nagnegatibo sa Covid-19.
Matud kang Dr. Imelda Quiñones, labaw sa Epidemiology and Surveillance Unit sa DOH-12 , nga babaye ug usa ka Filipino ang maong PUI apan giklaro niini nga dili positibo og wala usay nakit-ang sintomas sa nasampit sa maong sakit.
Sa pamahayag ni Dr. Quiñones, nahuman ang mandatory quarantine sa usa ka pribadong ospital.
Nasayran nga adunay kaagi sa pagbiyahe paadto sa Singapore, Macau ug China ang maong tao ug niabot sa dakbayan kaniadtong Enero 27.
Aduna usab karon 24 ka mga Patients Under Monitoring kon PUM sa Soccsksargen kung asa mipailawom sa self-quarantine .
