GENERAL SANTOS CITY – Hingpit ng gikansela ang Kalilangan 2020 dinhi sa dakbayan.
Kini ang gibutyag ni GenSan Mayor Ronnel Rivera sa pakighinabi sa Bombo Radyo GenSan.
Gibutyag sa mayor nga ang maong desisyon tungod sa bahad sa 2019 Novel Coronavirus (2019-NcoV).
Sa pamahayag pa niini angayang unahon ang kaluwasan sa mga katawhan sa syudad.
Nasayran nga lakip unta ang Doble Kara Singing Contest sa Bombo Radyo GenSan sa highlight nga mga aktibidad atol sa Kalilangan 2020 kung asa certified na kining muhakot og libuan ka audience.
Gikatakda unta kining ipahigayon sa Oval Plaza sa Pebrero 25 sa gabie.
Apan giklaro sa LGU-GenSan nga ipahigayon gihapon ang wreath laying ceremony alang sa bantayog ni General Paulino Santos dungan sa founding anniversary sa dakbayan.
