GENERAL SANTOS CITY – Adunay usa ang gipa-ilalom karon sa Person Under Investigation (PUI) gumikan sa gituohang 2019 Novel CoronaVirus (NcoV) dinhi sa dakbayan.
Gikumpirma ni Dr. Jett Oco, labaw sa GenSan City Health Office nga nagpabilin ang maong indibidwal sulod sa usa ka pribadong balay tambalanan apan mibalibad sa paghatag og dugang detalye.
Apan gipaklaro nga anaa sa ika-13 ka adlaw na ang pagpailawom niini sa quarantine period human nga nakuhaan og samples ug napadala na sa RITM sa Kauluhan.
Sa karon matud pa, nagpabiling walay sintomas sa virus ang nahisgutan.
Sa pahayag ni Dr. Oco nga nakasinati og soar throat ang maong PUI apan nabati kini sa nasampit ayha pa man kini mibyahe sa Singapore ug Macau.
Sa kasamtangan, sa GenSan, adunay siyam ang gikonsiderang Person Under Monitoring (PUM) gumikan sa ilang travel history.
Padayon mang panawagan sa GenSan-CHO kauban ang Dept. of Health(DOH) nga dili magpanic ug walay angayang kabalak-an ang publiko gumikan nagpabiling NCOV free ang Region 12.
