GENERAL SANTOS CITY -Mag-atubang sa kasong paglapas sa Section 5, 6, 7, 11 og 12, Article II sa RA 9165 ang mga nadakpan suspek sa anti-drugs operations sa hiniusang pwersa sa kapulisan og PDEA 12 sa draug den sa Prk 4, Bo. Blaan Brgy. Labangal ning syudad.
Gibutyag ni PDEA 12 Director Naravy Duquiatan na dugay ng gimonitor ang iligal nga aktibidad sa lima ka suspek nga silang Carlos Ramos Alias Balong, 37 residente sa Prk Felomina, Calumpang; Esmael La, 42, taga Bo. Blaan, Labangal, GSC; Juhar Buda y Usop, 24yo, male, single, residente sa Brgy Badjangon, Palimbang, Sultan Kudarat; Benjamin Abdillah, 23 taga Brgy Malisbong, Palimbang, Sultan Kudarat og Carlo Manamba, 20, taga Prk 4, Bo. Blaan, Labangal.
Nakumpiska atol sa operasyon ang 15 gramos sa gituohang shabu nagkantidad P102,000.00, drug paraphernalia og P500 buy bust money. Nasayran nga duha ka menor de edad ang narescuer atol sa operasyon.
GENERAL SANTOS CITY -Dugay na matud pang gimonitor ang iligal nga aktibidad sa nagpangalan og Deo Arjohn Montes, 30 anyos og kagahapon nahulog ra gyud sa kamot sa kapulisan.
Bitbit ang search warrant, gisulod ang panimalay sa nasampit og narekober sa operatiba ang 6 ka gagmay sachet sa shbau nagkantidad og P10,000 , drug paraphernalia og pitaka nga gibutangan niini sa iligal nga droga.
Matud pa sa Bula Police Station nga daghang customer ang suspek og ang mga parokyano niini mga traysikel drivers.
Kasong illegal possession og ilegal drugs og possession of drug paraphernalia sa RA 9165 ang atubangong kaso sa suspek nga balhog karon sa selda.
