GENERAL SANTOS CITY -Nagnegatibo sa novel coronavirus (2019-nCoV) ang Chinese businessman nga gikonsiderang ‘Person Under Monitoring’ o PUM sa dakbayan.
Gikumpirma ni Dra. Jett Oco, ang City Health Officer sa syudad nga nakumpleto na sa negosyante ang 14 ka adlaw nga quarantine og walay nakit-ang unsa mang sintomas sa nCov sa nasampit.
Kahinumduman nga nahidangat sa GenSan ang Chinese businessman kaniadtong Enero 23, 2020 via Hongkong gikan sa Wuhan, China.
Una niini gipaklaro ni Dr. Oco nga ang mga tawong pwedeng ibutang sa person under monitoring mao ang mga tawo nga gikan sa mga lugar nga apektado sa ncov.
Nasuta nga mukabat na sa upat ka tuig nga nagpuyo sa Gensan ang wala gihinganlang Chinese National gumikan sa iyahang negosyo ug nipauli kini sa China alang sa Chinese New Year ug dayon mibalik sa syudad.
Pamahayag sa City Health Office nga walay dapat ika-alarma ang publiko sa mga tawong gipa-ilalom sa person under monitoring gumikan wala pay mga sintomas nga sila ang infected sa virus.
