GENERAL SANTOS CITY– Pito ka mga New People’s Army kon NPA ang nisurender sa tropa sa gobyerno sa Sarangani Province.
Matud kang Lt. Col. Ronaldo Valdez, commanding officer of 73rd Infantry Battalion (IB) Philippine Army nga boluntaryong nisurender sa managhaling adlaw ang mga nasampit nga rebelde.
Sumala sa opisyal nga niadtong Sabado sa buntag nisureder sa Sitio Lampasak, Barangay Alegria, Alabel ang nagpangalan og Ariel Tumbo alias “Justin,” Roger Fa alias “Bambo,” Ariel Fa alias “Jasper,” ug Larry Campaan alias “Jasig,” nga pulos mga miembro sa Platoon North, Guerilla Front Tala sa Far South Mindanao Region sa NPA.
Samtang gibutyag usab ni Lt. Orestes Fausto, commander sa 73IB’s Alpha company tulo usab ang nisurender niadtong Dominggo sa buntag sa Sitio Loot, Barangay Poblacion sa Malapatan nga nailhan nga silang Jemel Pondong alias “Rodel,” Onil Pondong alias “Arnel” ug Roger Balandan alias “Dab.”
Bitbit sa mga nasampit ang tulo ka 30-caliber pistol og M1 Garand rifle.
