75,600 ka bata napatakan na og oral polio vaccine sa GenSan

GENERAL SANTOS CITY – Mikabat sa 75,600 ka mga bata ang napatakan sa gipahigayon nga ikaduhang hugna sa Sabayang Patak Kontra Polio.

Matud kang Dr. Rochelle Oco, acting city health officer, 100.17 % sa ilang target sa 75,545 ka mga bata ang nakab-ot atol sa 8 ka adlaw nga pagpahigayon sa maong aktibidad gikan sa Enero 20 hangtud 27.

Dugang pa niini nga magdugay pa kini hangtud sa Pebrero 2.

Sumala pa niini nga wala pa nakuha ang target sa mga kabataan nga anaa sa mga Barangays Lagao, City Heights ug San Isidro.

Pagbutyag niini nga magpahigayon sila ug house-to-house visits, aron gayud mabakuhan ang tanan nga mga bata.