GENERAL SANTOS CITY – Gisiguro ni Overseas Workers Welfare Administration (OWWA) Administrator Hans Leo J. Cacdac nga adunay gigahing tabang ang gobyerno para sa mga household service workers nga apektado sa deployment ban sa Kuwait.
Ang mensahe sa opisyal dungan sa pagtambong niini sa lubong sa OFW nga si Jeanelyn Villavende sa Norala South Cotabato.
Giabisuhan ang mga apektado sa ban nga mudangop sa OWWA, Department of Labor and Employment (DOLE) o Philippine Overseas Employment Administration (POEA) aron masayran ang pwedeng tabang nga angay kanila.
Kini aron usab mahatagan ug giya sa kung unsa ang buhatonx.
Nasayran nga mukabat na sa 200 OFW nga apektado sa ban sa Kuwait ang natabangan sa OWWA.
Ang kaso ni Jeanelyn Villavende ang usa sa mga rason nganong gipatuman ang deployment ban sa mga household service workers sa Kuwait.
