GENERAL SANTOS CITY – Gidagsa sa mga tawo ang unang adlaw sa voters registration sa Comelec Office.
Mapasalamaton si Atty April Mitchor-Miguel ang City Comelec Officer sa mga botante tungod gitubag ang iyang panawagan nga magsayo nga magparehistro.
Una ng namahayag ang nasampit nga opisyal 200 lang ang ilang i-cater tungod ilaha unang tan-awon una ang kapasidad sa incoding machine.
Sumala pa niini tungod kay wala nipalyar ang makina kagahapon ilang gidugangan ang ihap sa ilang naserbisyohan.
Dugang pa ni Atty Miguel nga kung walay mapakita nga unsa man nga ID mamahimong magdala ug kaila nga magpamatuod nga usa ka residente sa usa ka lugar.
Gibutyag niini nga able ang ilang buhatan gikan sa adlaw nga Lunes hangtud Sabado lakip ang holidays gikan alas 8:00 sa buntag hangtud alas 5:00 sa hapon.
Samtang panawagan niini nga dili na magpaabot ug deadline aron nga dili magpunsisok sa ilang buhatan.
