GENERAL SANTOS CITY – Gihingusgan ni Science Research Specialist Nane Danlag sa Phivolcs GenSan nga usa ka bulkan ang Balot Island sa Davao Occidental apan gi-klasipika nga usa ka inactive volcano.
Luyo nga dili aktibong bulkan apan hugot nga gitutukan sa mga otoridad ang maong dapit.
Matud pa ni Danlag nga ang mga opisyal sa maong dapit ang mihangyo nga butangan og intensity meter kung asa gipaabot na lang.
Giangkon usab niini nga gumikan sa sunod sunod nga kusog nga linog og ang pagbusikad sa Bulkang Taal daghan na ang nakatutok sa ilang opisina kung asa gusto masayod sa ilang trabaho.
Gikadugang pa niini nga sila mismo ang gasaka sa bukid gumikan sa pagmonitor sa mga kahimanan kung asa ilang balikan ang area kung mag-lobat ang baterya nga mga gamit o kaha wala nay mga mensahe nga napadala direkta sa ilang buhatan.
Sa pamahayag ni Danlag nga gumikan dili masayran kanus-a mahitabo ang linog angayang mahimong andam ang tanan og seryosohon ang mga earthquake o tsunami drill.
