GENERAL SANTOS CITY – Kung mahitabo man gayud ang total deployment ban, mag–aplay na lamang kini sa ubang nasud.
Kini ang gibutyag ni Judy Rose San Luis, nga taga Alabel Sarangani Province og nanarbaho sa Kuwait sa pakighinabi kaniya sa Bombo Radyo.
Matud pa niini, nahibalo na ang mga OFW kalabot sa total deployment ban apan wala pay gipagawas nga abiso ang embahada sa Pilipinas sa Kuwait kung unsa ang sunod nga mahitabo.
Gibutyag ni San Luiz, gisultihan sila nga dili sa magdali-dali og magdesisyon nga mupauli sa nasud tungod posibleng mag-apela ang Kuwaiti government sa Pilipinas.
Kung mahitabo man gayud ang total deployment ban, humanon lang niini ang kontrata sa Abril dayon plano niining mag–aplay sa Hong Kong.
Sa pahayag niini, magbakasyon pa unta sa Pilipinas sa Hunyo o Hulyo apan dili na lamang ihinayon tungod sa kabalaka nga dili na pabalikon sa gobyerno sa Kuwait.
