GENERAL SANTOS CITY – Giangkon sa usa ka Overseas Filipino Workers kon OFW sa Kuwait nga ang mga balita sa social media ang maoy makahatag ug panic sa ilang mga kabanay.
Sa pakighinabi sa Bombo Radyo, gibutyag ni Lilibeth Labria nga taga Polomolok South Cotabato nga malinawon pa ang sitwayson karon sa Kuwait luyo sa kabalaka sa tanan nga delikado na ang sitwasyon sa mga Pilipino sa maong nasud human nadunggan sa mga balita nga natigayon ang gyera og kasamok tungod sa tensyon tali sa US og Iran.
Matud ni Labria nga wala pay advisory nga gihatag ang embahada sa Pilipinas didto sa Kuwait human ang pagpalupad ug missiles sa Iran sa US airbase sa Iraq.
Gidugang pa ni Lilibeth nga walay tension sa Kuwait ug mas nabalaka pa ang ilang pamilya nga anaa sa Pilipinas itandi kanila.
