Lalaki nga napaig sa sunog sa lodging house wala pa mailhan

GENERAL SANTOS CITY – Nagpabiling walay ilhanan ang patay nga lawas sa usa ka tawo nga nakuha sa mga kabomberohan gikan sa naugdaw nga lodging house sa Quezon Ave. Barangay Dadiangas West ning syudad.

Nanawagan ang kapulisan hilabina kadtong nawad-an ug kabanay ug wala pa makauli kanila nga gilayong makig-alayon kanila aron ilhon ang biktima.

Sa imbestigasyon sa BFP-Gensan, ang biktima piosteng huboga dihang nag-check-in hinungdan nga wala na maka-logbook.

Mukabat sa P600,000 ang gipagawas nga damyos sa natigayong sunog kung asa nadamay pa ang katapad nga upat ka establisiemento.

Gawas sa namatay , duha katao ang nasamdan nga ang usa ka biktima nakaangkon ug 3rd degree burn sa nagkadaiyang parte sa lawas.