GENERAL SANTOS CITY – Walay naigo sa mga sundalo nga anaa sa duha ka airbase sa nasud Iraq human gipaulanan og 15 ka missile gikan sa Iran.
Kini ang paghulagway ni Bombo correspondent Pinoy Gonzales sa America.
Wala matud pa nga nangatulog ang mga residente sa US samtang gipaabot ang mensahe ni US President Donald Trump.
Dugang ni Pinoy Gonzales nga walay katakos ang Iran aron ig-on ang mga sundalo sa US tungod wala matud pay sophisticated missile sama sa Russia, China og North Korea.
Nahibal-an matud pa sa tibuok kalibutan kung unsa nga sorpresa ang himuon sa America human gigamitan og drone ang pagpatay sa Iranian General nga si Qasseim Soleimani.
Hilabihan matud pa kalayo ang naigo sa gipalupad nga missile nga sumala pa niini gisayang lang sa mga Iranian.
Wala usab matud pay epekto sa mga residente sa US ang patutsada sa Iran nga paig-an ang America kung mag-react sa missile launch tungod dili matud pa muabot sa US ang nasampit nga mga missile.
Usa usab sa gibantayan kung tirahon sa Iran ang mga katapad nga nasud sama sa Israel, Bahrain, Dubai tungod unang maapektuhan ang mga Pinoy nga nagpuyo sa nasampit nga mga nasud.
