GENERAL SANTOS CITY– Giklaro ni City Health Office OIC Department Head Dr. Jett Oco nga may usa ka kaso sa suspected meninggococcemia nga natala sa Brgy. Labangal ning dakbayan.
Matud pa ni Dr. Oco, usa ka 4 yrs. old nga batang lalaki ang nakabsan sa kinabuhi usa ka adlaw human nga nakadawat sa oral polio vaccine.
Na-admit ang bata sa Dr. Jorge Royeca Hospital apan wala usab nagdugay og gibalhin sa pribadong tambalanan og didto na namatay.
Gibutyag ni Dr. Oco nga wala nakuhaan ug blood samples ang bata aron mapadala alang sa confirmatory test luyo nga nakig-alayon sa doktor sa bata.
Sa kawad-on sa physirology confirmatory test, dili masiguro kun meninggococcemia ang kaso sa bata.
Apan giklaro sa nasampit nga doktor nga ang duha ka patak sa maong bakuna ang walay kalabutan sa kamatayon sa bata samtang walay natala nga kaso nga may dautang epekto ang polio vaccine sa bata.
Nasayran nga gihatagan gilayon og antibiotics nga Fropilacsis ang mga tao nga naa sa palibot sa balay sa maong bata aron adunay proteksyon ang lawas.
