GENERAL SANTOS CITY– Todo bantay ang kapulisan sa dakbayan hilabi pa ning panahon sa Pasko.
Matud pa ni City PNP Dir. Aden Lagradante nga hugot niining direktiba ngadto sa mga ginsakpan sa pagpanguna sa ilang mga Chief of Police nga mahimong alerto sa tanang higayon aron dili malutsan sa mga taong gustong muhimo og dili maayo.
Gibutyag sa nasampit nga opisyal, kinahanglan og magtutok ang mga pulis sa mga lugar sa dakbayan kung diin kaylap ang mga natigayong pagpanglabni, pagpangholdap og pagpangawat sulod sa mga mall og establisiemento.
Sa pahayag ni Lagradante nga gapaniid lamang ang mga dautang tawo sa palibot hilabi sa mga lugar nga wala silay makit-ang pulis nga nagpatrolya og kun makakuha og tiyansa ang gilayong muhimo og krimen.
Andam na usab ang kapulisan sa Paskuhan sa GenSan nga tinuuig nga ginapahigayon sa syudad atol sa Pasko kung asa sumala pa ni Lagradante nga may ipatuman usab nga seccurity measures ang kapulisan alang sa publiko.
