GENERAL SANTOS CITY– Tanan kita angayang atong sayron kun HIV positive o dili. Kini ang gibutyag ni Dr. Mely Lastimoso sa City Social Hygiene Clinic sa City Health Office kini aron maka-access sa pagtambal, mabuhi og taas og makaangkon ug maayong kinabuhi bisan nga adunay HIV.
Mukabat na sa 122 ang natala nga kaso sa HIV karong tuiga dinhi sa dakbayan og kinatibuk-ang 781 HIV cases na ang natala sa ilang buhatan sugod kaniadtong 1997 nga kasagaran sa nagpositibo sa maong sakit mao ang young professionals.
Kapin 600 sa maong ihap taga GenSan samtang ang kapin gatus gikan sa laing lugar og nagpa-HIV test sa ilang buhatan.
Gibutyag ni Dr. Lastimoso nga mukabat na sa usa ka gatus ang namatay tungod wala gilayon naka-access og tambal.
Sa pahayag sa nasampit ang buntis og Overeas Filipino workers, sexworkers ang angayang magpa-HIV test sa City Social Hygiene Clinic kung asa libre lamang.
Nakighiusa ang GenSan sa Worlds Aid Day dungan niini ang libreng HIV test. Kahibaluan nga tibuok kinabuhi nang mupailawom sa anti-retroviral therapy o ARV therapy ang usa ka HIV positive person.
Kini aron mapugngan ang pagdaghan sa virus nga magpahuyang sa immune system sa usa ka pasyente.
Tungod kun dili mapugngan, sumala sa eksperto magresulta kini og komplikasyon hangtud sa musangko sa Aids nga hinungdan sa pagkamatay sa pasyente.
