GENERAL SANTOS CITY – Gipasidunggan sa konseho ning syudad ang mga miyembro sa Gensan Youth Choir human nga nakasungkit og duha ka bulawang medalya sa gisalmutan nga Choir Festival sa Macau, China.
Atol sa privilege hour sa ika-16 nga regular session gipresenta ni Kagawad John Demdam ang Gensan Youth Choir, samtang bitbit sa nahisgutan ang ilang medalya samtang mipadungog sa ilang performance sa ilang winning piece nga awit pambata nga adunay titulo nga Nanay Tatay.
Gibutyag ni Dendam nga nakabangga sa Gensan Youth Choir ang mga maayong mang-aawit nga gikan sa nagkalain-laing nasud.
Gani mukapin usa ka gatus ka mga entry matud pa ang nag indis sa maong singing competitions nga gipahigayon didto sa Macau.
Gisaysay usab angf kalisod aron makabiyahe sa Macvau ang nahisgutang grupo. Pagpahuman sa presentasyon iya-iya ug lamano ang mga Konsehal sa mga winner.
