GENERAL SANTOS CITY – May gisundan na nga lead ang kapulisan sa Polomolok sa pagpusil patay kang Kagawad Vicente Yongco Jr nga nahitabo miaging adlaw.
Usa niini ang personal grudge nga gisundan sa mga otoridad human nakaangkon ug daghang samad pinusilan ang biktima.
Gumikan niini naka half mast ang bandera sa barangay hall sa poblacion isip pakigsimpatiya sa namatay nga opisyal.
Kagahapon nagpahigayon ug special session ang barangay council aron hulipan ang namatay nga KOnsehal nga si Yongco. Nasuta nga ang namatay nga Konsehal maoy unang gapirma sa voucher hinungdan nga ila dayon nga gihulipan.
Nagpadayon usab nga nagpakahilom ang pamilya Yongco human nakaangkon ug tulo ka igo sa ulo, usa sa dughan ug wala nga braso nga nagresulta sa kamatayon sa nahisgutang opisyal.
Lakip gitutukan sa imbestigasyon ang nakalalis sa Konsehal nga usa ka traysikel driver human nakabangga sa sakyanan nga maneho sa anak ni Yongco Jr. nga Kapitan sa poblacion kaniadtong 2007 hangtud 2018.
Nahimong ex oficio member sa Sanggunian Panlalawigan dihang nahimong ABC President ug nahimong Kagawad sugod 2018.