National Earthquake drill gihimong seryoso
GENERAL SANTOS CITY – Miapil ang pipila ka establisemento sa gipahigayon nga simultaneous earthquake drill kagahapong adlawa. Namatikdan nga mas seryoso na ang mga partisipante nga mga empliyado sa naasoy nga drill. Dinhi sa dakbayan mipahigayon ug drilla ang usa ka Mall sa Santiago boulevard aron bansayan ang mga mall goer kauban sa mga empliyado human miigo ang makusog nga linog kaniadtong Oktobre 16, 29 ug 31. Matud sa mga tigpasiugdan nga kalmado ang paggawas sa mga empliyado padulong sa evacuation area. Nakita usab sa scenario ang pagpagawas sa mga dugu-an nga biktima gikan sa sulod sa Mall hangtud nakaabut sa ambulancia. Gitudlo usab ang dock, cover and hold position samtang pagawas sa Mall. May mihimo usab nga mga tulunghaan sa dakbayan sa tumong nga mabutang sa huna-huna sa mga estudyante sa angayan nga himuon kung makasinate ug pagtay-og ang yuta. Pipila ka Police station usab ang mihimo niini subay sa kamandu-an sa DILG.
