GENERAL SANTOS CITY – Nakadawat ug hinabang pinansyal gikan sa LGU ug CSWDO ang halos duha ka libu ka mga empliyado sa nasunog nga Gaisano Mall .
Kini human midagsa sa assistance to indibidual in crises situation sa CSWDO kagahapong adlawa. Mukabat sa tres mil pesos cash ang nadawat matag empliyado ang gipanghatag sa pagpanguna ni Vicky Magante.
Matag indibidwal ang angayan nga mupresenta sa ilang ID ug disaster assistance family acces card gikan sa CSWDO.
Luyo niini gikumpirma ni Magante nga adunay pipila ang nagreklamo tungod nawala ang ilang pangalan isip mga empliyado.
Matud ni Magante nga mukabat sa kapin lima ka milyon ka pesos ang gitagana sa DSWD alang sa financial assistance.
Gawas niini adunay laing financial assistance ang LGu human nagdeklara ug state of calamity tungod sa pagkasunog sa Mall.
