GENERAL SANTOS CITY – Dismayado si Kag. Edmar Yumang sa wala pagtambong sa mga contractor nga gipatawag atol sa investigation in aid of legislation kalabotan sa mga nadelatar nga mga proyekto.
Matud pa ni Yumang nga usa lang ka contractor ang mitambong kung asa subli nga gi-schedule sa ikaduhang semana sa bulan sa Nobyembre 2019.
Sa iyang pamahayag nga oras nga dili mutambong sa sunod nga investigation in aid of legislation may himoong aksyon ang iyang opisina.
Busa giawhag niya ang mga contractor nga dili himoong komedya inay seryosohon ang pagtambong sa investigation in aid of legislation.
Kahibaluan nga kapila na usab ka higayon nga gipatawag sa session ang mga contractor gumikan nadelatar ang ilang mga proyekto.
Sa presentasyon ni Kag. Yumang nga may contractor nga tulo o kaha upat ka proyekto ang gihuptan kung asa pulos nadelatar.
