GENERAL SANTOS CITY – Nasinatian ang Intensity III nga pagtay-og sa General Santos City dungan sa magnitude 5.0 nga linog nga mitay-ug sa Tulunan Cotabato.
Nabatyagan usab kini sa Alabel, Sarangani Province og Tupi, South Cotabato nga sumala sa Philippine Institute of Volcanology and Seismology (Phivolcs) mitay-ug kini bandang alas 06:52 sa buntag sa South East sa Tulunan.
Aduna kini gilawmon nga 27 kilometro og tectonic ang hinungdan sa pagtay-og.
Natala ang Intensity IV sa Kidapawan City, Intensity IV sa Malungon, Sarangani; Koronadal City, South Cotabato og Intensity I sa Kiamba, Sarangani.
Samtang gilauman usab ang aftershocks.
Padayon nga gisuta sa mga otoridad kung adunay mga damyos sa mga katigayunan o nasamdan tungod sa naasoy nga aftershock.
