GENERAL SANTOS CITY – Suspendido ang operasyon sa GenSan Port o ang Makar Wharf human gipatuman ang lockdown human miigo ang magnitude 6.3 sa North Cotabato og nasinatian sa daghang bahin sa Mindanao kagabie.
Kin alang sa ipahigayong inspeksyon sa mga istruktura niini.
Matud kang Philippine Ports Authority (PPA) General Manager Jay Santiago, tumong niining masiguro nga luwas ang tanang indibidwal.
Sa karon nasunog gihapon ang Gaisano Mall of GenSan gikan pa pasado alas 7:00 kagabie hinungdan nga tibuok gabie nakigkumbati ang mga fire fighters sa pagpalong sa sunog.
Mas milapad pa ang sunog nga miabot na sa atubangan nga bahin sa mall gikan sa likod kung asa usa ka bangko ang naugdaw.
Lakip pa sa naabo ang area sa kitchenwares, furnitures, bodega, food stalls, department store, chapel og food court sa mall.
Miresponde usab ang uban pang fire truck gikan sa LGU- Sarangani Province, South Cotabato, Davao City, og sa mga private sector.
Sa SM Mall of GenSan, nangatagak ang pipila ka portion sa kisame kung asa adunay pipila mall goers ang nasamdan og dayong gidala sa ospital.
Samtang suspendido karong adlawa ang klase ‘ all levels’ sa tanang public og private schools sa syudad lakip sa Sarangani, South Cotabato, Sultan Kudarat og uban pang kasikbit nga lugar.
Nanggawas sa dalan ang mga residente sa Purok Tinago, Brgy. West ning syudad gikan sa ilang pinuy-anan nga anaa sa baybayon tungod sa kahadlok nga matigayon og tsunami.
Kaganihang alas 4:53 sa kaadlawon nabatyagan ang makusog nga aftershock sa GenSan kung asa Intensity 2 ang natala ng Phivolcs.
Kini dungan sa 5.3 magnitude nga miigo sa Manay, Davao Oriental.
Aduna kini gilawmon nga 120 kilometers og tectonic ang origin.
