GENERAL SANTOS CITY – Gibutyag ni Lt. Col. Jones Otida, 27Infantry Batallion Commander, nga gi-proseso na nila nga ipailawom sa Enhanced Comprehensive Local Integration Program o E-CLIP ang nagsurender nga rebelde nga si alias “Darwin’.
Bitbit sa nasampit dihang mitahan sa tropa sa gobyerno ang usa ka unit sa M16 armalite rifle.
Sakop ang nahisgutan sa Platoon Samsung, Sub-Regional Committee-Musa sa Guerilla Front 73-Far South Mindanao Regional Committee (FSMR) sa NPA.
Gibutyag ni LtC. Otida, ang nagtukmod kay alias Darwin nga musurender gumikan sa grabe nga kagutom ug kahadlok nga mamatay samtang galihok sa kabukiran.
Atol sa pagsurender sa nasampit, giangkon niini sa mga sundalo nga na-low moral matud pa siya og mga kaubanan human masikop ang ilang lider nga si Nicanor Pason alias Kumander Costan nga migamit usab ug alias Yoyong og Ronron.
Ang naasoy NPA leader ang nasamdan atul sa joint operation sa Maitum, Sarangani miaging semana
