GENERAL SANTOS CITY – Icepick ang gigamit sa asawa pagdunggab sa bana niini nga gikasamad sa biktima atol sa ilang pakighilawas.
Kahinumduman nga nadala sa Dr. Jorge Royeca Hospital ang usa ka bana nga itago lang sa pangalang Alias Marlon, legal age nga taga Jose Abad Santos, Davao Occidental human nga gidunggab sa iyang asawa igo sa tiyan nga bahin.
Gikanayong gidunggab sa iyang asawa ang nasampit human nabitin sa ilang pakighilawas alas 2:55 ang takna sa kabuntagon.
Sa report ayha nahitabo ang pagpanunggab, nag-sige ug hangyo matud pa ang bana ngadto sa iyang asawa nga makighilawas, apan wala matud pa nisugot ang asawa tungod kay gikapoy ang lawas niini.
Sa kadugayang hangyo sa biktima misugot ang iyang asawa apan ang problema ang biktima na usab ang walay kondisyon sa lawas mao nga wala kini milahutay.
Tungod niini nasuko ang asawa mikuha ug icepick ug gidunggab ang iyang bana.
