GENERAL SANTOS CITY – Pagasugdan na niining semanaha sa kapulisan ang pagpahiluna sa mga sakyanan sa paggamit sa National Highway.
Kini ang usa sa mga proyekto nga gustong ipatuman sa kamandu-an ni City PNP Director Col. Aden Lagradante.
Kauban sa kapulisan ang LGU, Highway Patrol Group, Traffic Enforcement aron tutukan ang pagdisplina sa mga motorista.
Matud ni Lagradante nga nagtumong ang programa aron makaangkon ug disiplina sa paggamit sa kadalanan.
Usa sa tumong aron mapaubsan ang ihap sa mga traffic incident ug mugamay usab ang congestion human mitala sa mukapuin usa ka libu kompara sa miaging tuig.
Matud sa opisyal kinahanglan nga musubay ang mga traysikel ug motor sa outerlane samtang sa inner lane usab ang mga dagkong sakyanan.
Kung adunay muagi sa center lane ug kusog ang dagan angayan na kining dudahan ug kini ang angayang aksyunan sa kapulisan.
Kung adunay susama nga problema mamahimo matud pa kining ipadangat sa kapulisan pinaagi sa pagtawag sa ilang hotline nga ipatik sa Facebook Page o kaha ipaskin atubang sa mga prisento.
Matud sa opisyal 24/7 nga ila kining ipatuman.
