GENERAL SANTOS CITY – Magsugod na sunod semana ang Sarangani TESDA Provincial Training Center sa pagdawat og mga estudyante nga mupailalum sa libre nga skills training, pabor sa mga lumad.
Ang training center ang nahimutang sa Tuyan, Malapatan, Sarangani Province.
Si TESDA Secretary Isidro Lapeña ang naggahin og inisyal nga pondo nga anaa sa P2 million aron wala nay pagabayaran ang mu-eskwela.
Nagpasalamat si Governor Steve Chiongbian Solon gumikan sa pagtabang kanunay sa TESDA.
Ang pag-abli sa miaging mga adlaw sa Sarangani TESDA Provincial Training Center ang gipangunahan mismo ni Secretary Lapeña.
Ang maong training center ang labing una sa tibook Rehiyon 12.
Pabor kini sa mga wala nakatungha sa kolehiyo apan buot makabaton og alternatibong katrabahuan.
Samtang gikalipay ni Lapeña ang gibutyag ni Governor Steve Chiongbian Solon nga patindugan kini og dormitoryo aron katulugan sa mga estudyante nga layo pa ang pinuy-anan.
