GENERAL SANTOS CITY – Daghan ang mga aktibidad nga giandam sa matigayong 2nd Raptor Watch Festival sa Raptor Hill, Rio del Pilar, Glan Sarangani Province sa Oktobre 2, 2019.
Matud pa kang Environmental Conservation and Protection Center (ECPC) Executive Director Cornelio Ramirez Jr. nga dili lamang ang mga birds enthusiast ang apil sa maong aktibidad apan mga estudyante og mismo ang katawhan.
Gawas pa niini ang mga Japanese Society Preservation of the Birds, Raptorwatch Network Philippines ang gasuporta sa maong gimbuhaton.
Giapil usab nila ang mga estudyante gikan sa Lagimit, Cross, Rio del Pilar og Batolaki sa Glan Sarangani sa maong gimbuhaton.
Adunay ipahigayon nga tree growing o tree planting, kite flying, poster making contest, environmental games og uban.
Sa miaging tuig nga Raptor Watch Festival anaa sa 400 ka tawo ang miadto sa maong dapit. Ang maong migratory birds ang nagsilbing tourist attraction na sa Sarangani.
Nasayran nga ang adunay mga karatula na sila nga gipangbutang sa kadalanan aron mahimonmg giya sa buot nga mag-adto sa Raptor Hill aron makit-an ang mga migratory raptors gikan Japan, Taiwan og China.
Matud pa nga duol lang sa national highway sa Glan ang Raptor Hill.
Sa iyang pamahayag nga kadagsa ang mga raptors sugod sa katapusan sa Septiembre hangtud sa bulan sa Oktobre.
Matud pa ni Cornelio nga kini gumikan ang Rio del Pilar og ang kasikbit nga dapit ang may kalasangan pa partikular sa Mount Gulo.
Gibutyag pa ni Cornelio nga 45 ka adlaw ang pagtinir sa Raptors.
Sulod sa tulo ka tuig ang nakalabay ilang natutukan ang gidaghanon sa mga Raptors.
Sa tuig 2016 anaa sa 78,000, 2017 anaa sa 130,00 og sa tuig 2018- anaa sa 105,000 ang mga raptors base sa ilang pag-ihap.
Matud pa nga kasagaran sa mga raptors nga makit-an sa maong area ang Chinese sparrow hawk nga anaa sa 96%.
Ang Philippine eagle ang lakip usab sa pamilya sa raptor.
Gibutyag nga anaa sa usa hangtud sa usa hangtud sa duha ka kilo ang raptor.
