GENERAL SANTOS CITY – Gapanawagan ang City Health Office kon CHO ngadto sa mga ginikanan nga kung dili kamo sigurado sa immunization sa inyong mga anak angayang mag-adto na sa health center aron mabakunahan.
Kini ang panawagan ni Dr. Jett Oco ang labaw sa CHO gumikan sa deklarasyon usab sa polio og daghang kaso sa tipdas.
Gibutyag pa sa maong doktor nga ang ubang mga ginikanan nawala na ang immunization booklet sa ilang anak nga maoy mahimong basehan nga nakakompleto sa mga bakuna.
Aron masiguro angayang pabakunahan ning higayona nga masiguro ang kahimsog sa mga bata.
Kahibaluan nga ang maong bakuna ang libre nga gihatag sa health center.
Kalabutan sa deklarasyon sa outbreak sa polio sa tibook nasud magpahigayon og mass immunization ngadto sa mga bata nga nagpangidaron og 5 anyos paubos.
