GENERAL SANTOS CITY – Padayong gipakusgan sa City Disaster Risk Reduction and Management Office ang katakos sa mga Barangay City Disaster Risk Reduction and Management Office sa pagresponde sa mga emergency nga matigayon.
Matud pa kang Dr. Bong Dacera, ang labaw sa CDRRMO, imbes nga magdugang og mga personahe ang iyang buhatan direktiba matud pa sa Mayor nga pakusgon pa ang katakos sa mga barangay sa emergency response.
Gibutyag nga hatagan ug ambulance ang kada barangay nga gilaumang mahitabo ning tuiga depende sa kapaspas sa procurement.
Mas maayong kada barangay ang may katakos nga nga murespondi sa emergencies sama sa sunog, pagbaha, pagdahili sa yuta og linog nga mahitabo.
Gitudloan ang mga barangay og ‘basic life support’, CPR kon Cardiopulmonary resuscitation, standard first aid og ambulance operation aron mas paspas ang pagrespondi sa panginahanglanon sa mga katawhan sa ilang lugar.
