GENERAL SANTOS CITY – Ugmang adlawa na matigayon ang engkwentro sa GenSan boxer nga si Romero Duno kontra kang Ivan Delgado nga ipahigayon sa Los Angeles, California, USA.
Sa natigayong weigh in si Duno ang mukabat sa 135 pounds samtang overweight si Delgado nga anaa sa 139 pounds.
Gumikan niini si Duno na lang ang may tsansa nga makaangkon sa WBO NABO ligthweight championship belt.
Kahibaluan nga sa miaging Mayo ang labing ulahing engkwentro ni Duno batok kang Juan Antonio Rodriguez nga pildi ang kaatbang.
Si Duno ang gikuha sa Golden Boy Promotions human nga iyang giknockout kaniadtong 2017 si Christian Gonzales sa natigayong engkwentro sa Amerika.
Ang maong GenSan boxer ang may boxing record nga 20 ka daog, usa ka pildi og 15 ka knockouts.
Ang iyang kalaban nga si Delgado ang may 13 ka daog, duha ka pildi, duha ka draw og unom ka knockouts.
Ang iyang ulahing nakaatbang mao si Hector Tanajara sa Mexico nga siya ang napildi.
Ang Duno-Delgado showdown ang undercard sa main event tali nilang Mexican Jaime Munguia vs Patrick Allotey nga taga Ghana.
Si Duno nga lumad nga taga Tulunan, Cotabato nga ilawom sa pagdumala sa Sanman Promotions sa GenSan nga inabagan sa Golden Boy Promotions (GBP).
