GENERAL SANTOS CITY – Nahatag na matud pa sa unang batch sa mga social pensioners sa dakbayan ang pension nga tulo ka libo ka pesos gikan sa Department of Social Welfare and Development office kon DSWD-Region 12.
Kini natigayon kaniadtong adlawng Biyernes sa Model Senior Citizens Building nga gilangkuban sa 35 ka mga senior citizen alang sa unang semester niining tuig 2019.
Una nang gikumpirma sa Office of the Senior Citizen sa syudad nga ila nang napahibalo sa ilang mga myembro ang paagi sa pag release sa ilang social pension.
Kini human gitibuok sa DSWD sa tumong nga makapalit gayud ang mga senior sa buot nilang paliton kumpara kaniadto nga ginadawat lamang sa mga edaran ang kinyentos pesos nila nga binuwanang pension.
Alang sa mga senior citizen mas maayo nga makiglambigit na sa buhatan sa OSCA aron mahibaw-an kinsa ang naa sa talaans a ikaduha nga batch nga modawat sa ilang pension gikan sa gobierno.
