GENERAL SANTOS CITY – Bisan walay natala nga damyos sa mga katigayunan apan nagresulta gihapon ug grabeng kahadlok ang nasinatiang kusog nga pag-uyog sa yuta sa GenSan og Sarangani Province.
Kini dungan sa magnitude 4.8 nga linog nga miigo sa Davao Occidental alas-9:49 Dominggo sa gabie.
Matud sa Phivolcs, ang episentro sa linog sa gilay-ong 11 kilometro habagatan-sidlakan sa Jose Abad Santos.
Adunay gilawmon ang pagtay-og nga 33 kilometro og tectonic ang hinungdan.
Natala ang Intensity IV sa Glan, Alabel og Malapatan, Sarangani Province.
Intensity III usab sa Kiamba og Malungon, Sarangani.
Gikan usab unang gipagawas nga Intensity IV giubos sa Intensity III ang natalang pagtay-og sa General Santos City og Tupi, South Cotabato.
Samtang Intensity II sa Sta. Cruz, Davao Del Sur, Davao City og Koronadal City.
Nakatala usab og instrumental intensities sa uban pang lugar.
