GENERAL SANTOS CITY – Sunod semana na magpahigayon og public consultation ang Sangguniang Panlungsod kalabot sa naghitak nga mga investment schemes sa dakbayan.
Kini ang gikumpirma ni Kagawad Jose Edmar Yumang, chairman sa Committee on Laws nga angayang maprotektahan ang katawhan gikan sa pagpangilad sa mga schemes.
Una nga nagsabut ang Konseho nga ipatawag ang mga operator, agents, mga broker lakip mga biktima, City Permit and Licensing Office, NBI, CIDG, City prosecutor, Securities and Exchange Commission, Cooperative Development Authority.
Gibutyag usab niini nga posebli nga dangtan ug pito ka adlaw ang himuon nga pagsusi.
Nasuta nga muadto pa si Yumang sa Tagum City aron makakuha og dugang impormasyon kalabot sa investment scheme.
Gibutyag matud pa sa NBI nga dinhi sa dakbayan adunay napulo ka mga investment scam basi sa reklamo nga napasaka sa ilang buhatan.
