GENERAL SANTOS CITY – Nag-una gihapon ang Barangay Calumpang nga adunay labing taas nga kaso sa dengue sa dakbayan.
Gisundan kini sa Labangal nga anaa sa 138 ka kaso ug gisundan sa Fatima nga 114 ka kaso.
Nasuta nga anaa na sa 1,110 ang kaso sa dengue gikan Enero 1 hangtud sa Agosto 30, 2019 sa dakbayan.
Matud pa kang Dr. Lalaine Calonzo sa City Health Office (CHO ) nga sa maong ihap upat ang patay nga ang labing ulahing biktima ang sais anyos nga batang lalake nga taga Diamond Valley Tambler ning syudad.
Gibutyag pa ni Calonzo nga mas taas kini og 72% itandi sa 644 ka kaso sa susamang panahon sa miaging tuig.
Sa pamahayag ni Dr. Calonzo nga ang CHO sa kooperasyon sa mga barangay hugot ang kampanya kontra sa dengue kung asa angayang manglimpyo ang tanan.
Kahibaluan nga ang syudad ang nagdeklara na og state o calamity gumikan sa dengue aron 10% nga calamity fund ang magamit sa panginahanglanon sa mga biktima lakip na mga precuationary measures.
Ang panawawagan sa CHO ngadto sa magpailawom og dengue rapid test sa mga RHU sa dakbayan.
