Bag-ong himugso nga bata nga gisulod sa paper bag nakaplagan sa balay sa mga madre

GENERAL SANTOS CITY – Gitun-over na sa kapulisan ngadto sa City Social Welfare and Development Office(CSWDO) ang usa ka bag-ong himugso nga bata human nga nakaplagan.

Gibutyag ni Patrolman Kenneth Joy Babay, nakita ang maong bata atubangan nga bahin sa balay sa mga madre sa Marine Village Brgy. City Heights ning syudad.

Gibutang kini sa paper bag og nagkadugo pa ang lawas dihang gi-rescue.

Gituohan sa mga otoridad nga gituyo pag-abandona ang maong bata sa iyang inahan tungod sa gihimong pagsusi walay mabdos og bag-ong nanganak sa maong barangay.

Una niini, gilayong gidala sa kapulisan ang maong bata sa Dr. Jorge P. Royeca Hospital aron mapacheck-up human kini nga nakaplagan sa mga residente.